許家傑為拍《拳王》激減20磅 分享減肥三件事 秘訣係要食脂肪？

《東張西望》主持梁麗翹（Nicole）今年初開了YouTube Channel，除了拍片分享自己的減肥法外，亦會找來藝人好友分享各自的減肥秘訣。最近她就找來許家傑及歐瑞偉兩位接受訪問，Nicole更大讚許家傑是減肥專家，「識咗佢咁多年，佢對自己嘅身形好講究，係身形keep得好fit嘅其中一位男同事。」

{{hket:inline-image name="n.png"}}{{/hket:inline-image}}

許家傑在《拳王》時飾演拳手，為了角色要減肥同操fit自己。「去年年尾由180磅減到約163磅，今次過程好啲，以前試過好極端，如一日食一餐，keep住跑步同做gym。今次用咗好少少嘅方法，秘訣係要食少少脂肪。」他續指是要食好的脂肪，「好多人以為減肥就唔食脂肪，其實要食好多如橄欖油或者牛油果。以前嘅經驗係如果唔食呢啲嘢會唔夠能量，時常覺得眼瞓同好虛弱、冇記性。睇過一啲research，指人腦部需要燃料，一啲好嘅脂肪會做到呢樣嘢。」

{{hket:inline-image name="n4.png"}}{{/hket:inline-image}}

他又指減肥最緊要搵啱興趣同持之以恆，而心情也好重要。「例如搵到自己鍾意食嘅，我自己鍾意烚雞蛋加無糖乳酪攪勻嚟食。平時食慣咗飯、有味精嘅食物，如果突然之間唔食會好唔開心，唔開心都會減唔到肥。」

許家傑表示好多人以為減肥就係唔食嘢，其實係要食啱嘢。Nicole叫他建議一日嘅減肥餐單，他說：「建議早餐可以食烚雞蛋，加豆腐、無糖乳酪、牛油果同麵包都得。午餐就建議啱啱開始減肥可以將飯量減半，可以用蕃薯代替半份碳水化合物。而晚餐就建議可以斷食，即係168減肥法，即16個鐘唔食嘢，然後8個鐘食嘢。如果你食咗早餐，再晏啲食午餐，可以省略晚餐。」

（↓點擊圖片放大↓）

他又提醒要減肥有三樣嘢必須做到，「食、玩、瞓。食就係要食得健康、清淡；玩就係要做運動，揀一個覺得可以持之以恆嘅運動，第三就係瞓，休息係好重要。」

{{hket:inline-image name="n9.png"}}{{/hket:inline-image}}

至於歐瑞偉就表示拍《城寨英雄》時要極速減肥，15日減了10幾磅。他指當時靠跑步及節食，在食物方面盡量戒油鹽糖，「 一日食兩餐都係食烚雞；一日跑兩個鐘，加做gym。」

{{hket:inline-image name="n3.png"}}{{/hket:inline-image}}

{{hket:inline-image name="3.jpeg"}}{{/hket:inline-image}}

《愛回家》見大小姐被George追求呷醋發雄威？ 許家傑曬超Raw爆肌相原來佢操刀... 【下一頁】